Retrieval

വെളുത്ത വാവുകൾ...        "എനിക്ക് ചക്ക കഴിക്കാൻ തോന്നുന്നു" പെട്ടെന്ന് വെളിപാടുണ്ടായതുപോലെ  കട്ടിയുള്ള പുരികങ്ങളുയർത്തി അയാൾ പറഞ്ഞു. ഒരുപാട് ഹിന്ദി സീരിയലുകൾ Retelecast കൾ അടക്കം വിട്ടുപോകാതെ കാണാറുള്ള അയാളുടെ ഭാര്യ അതിനാടകീയമായ രീതിയിൽ ഒന്ന് തിരിഞ്ഞ് നോക്കി. Slow motion ൽ ഒന്നൂടെ...രണ്ടാമതും..വീണ്ടും വീണ്ടും നോക്കി. "അരേ.. നിങ്ങൾക്ക് വട്ടു പിടിച്ചോ ഇത് നിങ്ങളുടെ ഓണം കേറാമൂല അല്ല ബോംബെ ഹെ ബോംബെ". മുഖത്തെ ചാർകോൾ ഫേസ്പാക്ക് ഇളകി വീഴുന്നില്ലെന്ന് ഉറപ്പു വരുത്തിക്കൊണ്ട് അവൾ പറഞ്ഞു.  "നിന്നെക്കാൾ മുന്നേ ബോംബെ കണ്ടവനാണ് ഞാൻ, എന്നെപഠിപ്പിക്കണ്ട" ഇരുന്നിടത്ത് നിന്ന് ചാടിയെഴുന്നേറ്റു കൊണ്ട് അയാൾ പറഞ്ഞു. ആ സ്ത്രീ അയാളുടെ മുഖത്തേക്ക് സൂക്ഷിച്ചൊന്നു നോക്കി ഇന്നലെ കണ്ട സിനിമയിലെ അമരീഷ് പുരിയുടെ അതേ ഭാവം. ഇനി മറുത്തൊന്നു പറയുന്നത് തടി കേടാക്കുമെന്ന് മനസിലായ അവൾ ഒന്നു മിണ്ടാതെ തന്റെ ഫേസ്പാക്ക് ഉണങ്ങിയോന്നറിയാൻ കണ്ണാടിയുടെ അടുത്തേക്ക് നടന്നു. അയാൾ മൂന്നു മിനിറ്റിനകം വസ്ത്രം ധരിച്ച് ഫ്ലാറ്റിന്റെ വാതിൽ വലിച്ചടച്ച് പുറത്തേക്കിറങ്ങി നടന്നു. "തെണ്ടിത്തിരിഞ്ഞ്  മടുക്കുമ്പ...

മാറ്റുവിൻ ചട്ടങ്ങളെ...   പെൺകുട്ടികൾ സ്വന്തം വീടുകളിൽ സുരക്ഷിതരാണ് എന്നാൽ സ്വതന്ത്രരാണോ?  നല്ല ചോദ്യം!! അതൊക്കെ പണ്ടായിരുന്നു മിസ്റ്റർ ഇന്നത്തെ കാലത്ത് പെൺകുട്ടികൾക്ക് സ്വാത്രന്ത്ര്യം കൊടുക്കുന്ന മോഡേൺ ഫാമിലികളാണ് ഒട്ടുമിക്കതും. അതെയോ!! എങ്കിൽ എനിക്ക് തെറ്റുപറ്റിയതാവും. സ്വതന്ത്രയായ ഒരു പെൺകുട്ടിക്ക് പിറകിൽ അവളെ വിശ്വാസമുള്ള ഒരു ഫാമിലിയുണ്ടെന്ന Instagram post ഇന്നലെ കൂടെ കണ്ടതാണ്. ഞാനത് മറന്നു. ഒന്നു കൂടെ പറഞ്ഞാ മറന്നതല്ല.. എന്തോ,. എനിക്കതങ്ങ് പൂർണ്ണമായ് ദഹിക്കുന്നില്ല.              സംഭവം ശരിതന്നെ നാട്ടിലും കോളേജിലും സ്കൂളിലുമെല്ലാം സ്ത്രീ അബലയല്ല അവൾക്ക് സ്വാതന്ത്രമാണ് വേണ്ടതെന്ന് തൊണ്ടകീറി പ്രസംഗിക്കുമ്പോൾ ആണായാലും പെണ്ണായാലും സ്വന്തം വീടിന്റെ കർട്ടൻ നീക്കി ഉള്ളിലേക്കൊന്ന് എത്തി നോക്കുക. പ്രെസ്റ്റീജിന്റെയും സോഷ്യൽ സ്റ്റാറ്റസിന്റെയും നാട്ടുനടപ്പുകളുടെയും കണക്കുകൾ കൂട്ടിയും കിഴിച്ചും കഴിഞ്ഞ് അവസാനം അരിച്ചെടുക്കുന്ന ഒരിത്തിരി കുന്നിക്കുരു സ്വാതന്ത്ര്യം പെൺകുട്ടികൾക്ക് മൂക്കിലു വലിക്കാൻ പോലും തികയില്ലാന്നുള്ളതാണ് തമാശ. ആൺമക്കൾ ഉച്ചവ...

കുപ്പിക്കുള്ളിലെ രാത്രികൾ..!!                                                                                  രാത്രി ഉറങ്ങാൻ കിടക്കുമ്പോഴും സമാധാനം തരില്ല "നശിച്ച സ്വപ്നങ്ങൾ" , നശിച്ച സ്വപ്നങ്ങളോ !! പകലിനേക്കാൾ മനോഹരമായ രാത്രി സമ്മാനിക്കുന്ന  സ്വപ്നങ്ങളെ കൂടുതൽ ഇഷ്ടപ്പെടുന്നവരാണ് ഭൂരിഭാഗം പേരും. പക്ഷേ, ആ എട്ടുവയസുകാരിക്ക് അവൾ കാണാറുള്ള സ്വപ്നങ്ങളെ പേടിയായിരുന്നു. സംശയിക്കണ്ട മാടനും മറുതയും ഒന്നുമല്ല... അങ്ങനെയുള്ള ദുസ്വപ്നങ്ങളൊന്നും അവളുടെ ഒറ്റ രാത്രികളെയും തിരിഞ്ഞ് പോലും നോക്കിയിട്ടില്ല. എന്നാൽ അതിനേക്കാൾ അവൾക്ക് പേടി കൃത്യമായ് വ്യക്തതയില്ലാത്ത, എല്ലാ രാത്രികളിലും അവളെ തേടി എത്താറുള്ള മങ്ങിയ, ഇരുണ്ട സ്വപ്നങ്ങളെയായിരുന്നു. കുറേ കുഞ്ഞു മനുഷ്യർ, അവർ ദ്രുതഗതിയിൽ കൂടിചേർന്ന് വലിയ ഭീമാകാരനായ ഒരു മനുഷ്യനായ് മാറുന്നു. മനുഷ്യൻ എന്ന് പറയാമോ എന്നറിയില്ല. ഒരു സത്വം !! സത്വത്തിന് പേടിപ്പ...

         തൊഴിലാളി എന്ന പദത്തിന് ബോധപൂർവ്വം മനുഷ്യൻ കല്പിച്ചു കൊടുത്ത ചില മാനങ്ങളുണ്ട്. വളരെ ചുരുങ്ങിയ അർത്ഥതലങ്ങളിൽ ആ വാക്കിനെ തളച്ചിടാൻ ഒരു (അ) സാധാരണ മനുഷ്യൻ കാണിക്കുന്ന വ്യഗ്രത തന്നെയാണ് അതിന്റെ പിന്നിലെ പ്രധാന കാരണം.തനിക്ക് പരിചിതമല്ലാത്തതെന്തോ അതിനെ അരികുവൽക്കരിക്കുകയെന്നത് മനുഷ്യൻ ഉണ്ടായ കാലം മുതൽ ഭൂമിയിൽ നിലനിന്നുപോരുന്ന പ്രക്രിയ ആണ്. സഭ്യവും അസഭ്യവും വേർതിരിച്ചറിയാൻ ഏത് അളവുകോലാണ് നമ്മൾ ഉപയോഗിക്കേണ്ടിയിരിക്കുന്നത് ? തൊഴിലിന് അല്ലെങ്കിൽ തൊഴിലാളിക്ക് ഏത് മാനദണ്ഡങ്ങളുടെ അടിസ്ഥാനത്തിലാണ് മാന്യതയും അന്തസും പ്രദാനം ചെയ്യാൻ കഴിയുക ??                "തൊഴിലാളി" എന്ന വളരെ ഊഷ്മളമായ ഒരു പദത്തിൽ നിന്നും സ്വയം പ്രഖ്യാപിത 'മാന്യസമൂഹം' എന്നും മാറ്റിനിർത്തിയിട്ടുള്ള വിഭാഗമാണ്  "ലൈംഗികത്തൊഴിലാളികൾ". കൊൽക്കത്തയിലെ സൊനാഗച്ചിയിലും മുംബൈയിലെ ചുവന്ന തെരുവിലുമെല്ലാം ചുണ്ടുകളിൽ ചായം തേച്ച്, വശ്യമായ കണ്ണുകളോട് കൂടി ഉപഭോക്താക്കളെ ആകർഷിക്കാൻ ഇരുട്ടിൽ വരിനിൽക്കുന്ന ലൈംഗികത്തൊഴിലാളികളെ മാത്രമേ നാം കണ്ടിട്ടുള്ളു. അവരുടെ രാഷ്ട്രീ...

പകലുകൾ.. അവറ്റകൾക്ക് ഇനിയും പെറണമത്രേ" ... എന്നേ ഷണ്ഡീകരിക്കപ്പെട്ട എന്റെ രാത്രികൾ പിറുപിറുത്തു.                       *************** വഴിയരികിൽ കളഞ്ഞു കിട്ടിയ ഒരൊറ്റ നക്ഷത്രമാണ് നീ...

കൊറോണക്കാലം പഠിപ്പിച്ചത്..! എന്തൊക്കെയായിരുന്നു പുകില്...നിക്കാൻ നേരമില്ല.. ഇരിക്കാൻ നേരമില്ല തിരക്കോട് തിരക്ക്, എന്നിട്ടോ ലോകത്തുള്ള സകലരെയും ഞെട്ടിച്ച് പുതിയ രൂപത്തിലും നാമത്തിലും ആ വില്ലൻ അവതരിച്ചപ്പൊ 21 ദിവസം നമ്മളെല്ലാരും പെട്ടീം പൂട്ടി ദേ കിടക്കുണു വീട്ടിൽ... ഒരു രണ്ട് ദിവസമെങ്കിലും ലീവ് താ സാറേ എന്ന് കെഞ്ചിയവരുടേം നാട് കാണാൻ കൊതി ആവുന്നൂന്ന് പറഞ്ഞവർടേം ഒക്കെ ഗൃഹാതുരത്വത്തിന് കിട്ടിയ എട്ടിന്റെ പണിയായ്പോയി ഈ ലോക്ക്ഡൗൺ ന്ന് പറഞ്ഞാ മതീല്ലോ. വീട്ടിലിരുന്ന് മടുത്തു, ബോറടി സഹിക്കാൻ പറ്റുന്നില്ല എന്നൊക്കെ പറഞ്ഞ് നിലവിളിക്കാതെ ഈ കൊറോണക്കാലം നമ്മളെ പഠിപ്പിച്ചത് എന്തൊക്കെയാണെന്ന് ഒന്ന് ഓർത്തു നോക്കിയാ രസായിരിക്കും ല്ലേ !?      വീട്ടിലിരിക്കാൻ പൊതുവേ നല്ല മടിയുള്ള കൂട്ടത്തിലാണു ഞാൻ.. അമ്മയുടെ expiry date കഴിഞ്ഞ ഉപദേശങ്ങൾ കേൾക്കാൻ വയ്യാന്നുള്ളതാണ് പ്രധാന കാരണം. പക്ഷേ കേൾക്കാൻ ഇഷ്ടല്ലാത്ത ഉപദേശങ്ങൾ മാത്രമല്ല വീണ്ടും വീണ്ടും കേൾക്കാൻ ഇഷ്ടം തോന്നുന്ന ഒത്തിരി കഥകളും ആൾടെ കയ്യിലുണ്ടെന്ന് ഇപ്പോഴല്ലേ തിരിഞ്ഞത്. ആ കഥകളുടെ കൂട്ടത്തിൽ അച്ഛൻ പെണ്ണ് കാണാൻ വന്നതു മുതൽ സൽക്കാരത്ത...